Maa ki Chooriyan...

Boondon bhaari subah me aankh khulne se pehle

yaad aati hai wo meethi meethi awaaz
woh zindagi ko jaishe khush karna sikha rahi ho
ma ki hari hari chooriyan

bachpan me, maa ke roop me khud ko dhalna

ke sochna ki kab banu main bhi sundar

kab ho meri bhi kalaiyan bhari hui

pehne maa jaisi chooriyan 

phir na jaane kahan gayee woh awaaz

wo meethi boli chooriyon ki 

woh mehfooz ehsaas maa ke haton ka 

wo hathon me hari hari chooriya 

hai aisa kya bola tha maine

jo ma mujhse rooth gayee

mujhe de ke dooriyan itni

le gayee apni saari chooriyan 

ma main tera hun... 

hun doosron se kuchh hat ke

par hun to teara hi 

tera ansh

jisko tune inta pyaar diya tha kabhi 

aaj mera wohi astitva

mere aade aa gaya 

maa sa banne ki chah me

maine ma ko hi kho diya 

ma main jab bhi rooth jata tha 

tujhe yaad hai tu mujhe manati thi 

mere chehre ke aas paas

khankathi thi chooriyan 

mai to wasie hi manana janta hu 

chooriyon se

par tu chali gaye 

teri chooriyan hain 

par unme khanak nahi 

par maine to sirf sach kaha 

ki mere andar tujhsa kuchh hai 

mai beta sahi tera, 

par chahiye mujhe bhi chooriyan 

tu gayee

mujhe yun peeche chhor ke 

teri hansi se saja hu bachpan dhoondta hun

hathon me leke teri hari hari chooriyan