Ek safed lifafa, khali
Band karke chhor aaya
Na likha koi pata ispe
na hi likh paya koi naam
Par pata tha kise bheja hai
Na thi ummeed kisi jawaab ki
Par dil se bheja tha
Kalam ki syahi ka rang nahi mil raha tha
Shayad isi liye kuch nahi likha
Aur chhor aaya
Kal jab aank khuli
Subah ke paigaam ke sang wapas aaya
Utna hi safed, utna hi khali lag raha tha
Par maano bahut bhari
Lage anchhua sa, par chhua hua
Darwaaze ke neeche se koi daal gaya hoga
Kaid karke inme kuchh pehchani si yaaden
Kuch jane se lamhe
Thori khushbu peele phoolon ki
Aur thore se tum.....
No comments:
Post a Comment