Kaanch Ki Chawanni

 hai mili ek saugaat mujhko

choti hai par badi keemti

lage isse mai jag ko loot lun

armano se saji hui 

meri kaanch ki chawanni 

hai aath-dus sapne kharidne

aur do-char khawishen bhi

le jata hun ise main

dil ke kone wali dukaan pe 

meri  kaanch ki chawanni

na mila koi sapna na koi khwaish

lauta hun khaali haath

meri saugat kisi aur ko saugaat na lagi

akl ke wyapaario se thukrayi gayi

meri kaanch ki chawanni

jab mili thi to badi achhi lagi thi

par kisi ko iska mol nahi 

sab kehte hain phenk is kaanch ke kutkre ko

par mere liye sabse achhi 

meri kaanch ki chawanni