Benaam

ek adhoora panna.....
hain usme kuch baaten likhni baaki
kuchh kisse aur hain sunane

yeh na poocho ke panna adhoora kyu hai
bas tham gyaa hai smaay ki tarha
samjho har aghaaz ka anjaam nahi hota
hai kuchh baathen aur bhi baaki
hai kuch pyar ke rishte na samjhe hue
har mohobbat ka, mohobbat naam nahi hota

is deewanagi ka deewanapan bhi kaisa ajeeb hai

asuon se sab dur bhage, mujhe inse koi gila nahi

kushi se muskurana hi ishq ka ayaam nahi hota

hai thehri ghariyon ka mohtaaj mera waqt...

chalte jana, kisi ko peeche chor, muje na ata

bhul jane ki fitrat ka mohobbat naam nahi hota

Jiske ane ka ilm ho jaye, use muhobbat nahi kehte

jiske jaane ka ilm na ho use mohobbat nahi kehte...

kuch logon ka alfazon me paigaam nahi hota

hai kya bandhna zaroori namon me is dil ki baton ko

kyuki har chahat me muhobbat ho zaroori hai

par har mohobbat me chahat ka naam nahi hota